الرئيسية » أدب وفنون » ما مجبور احب إنسان تمثال

ما مجبور احب إنسان تمثال

شلت همك عمر ليل باثر ليل
كسر ظهري التعب وهمومك اثكال
واول ماطحت راسا صحت حيل
ضحكت على الدمع بخدودي من سال
كمت بجفوفي اصيحك وين جفيك
ولا تعرفني جنك مادرت بال
حسبالك خلص وما ارجع النوب
واظل تعبان بعدك وابجي موال
عود انت ادفعتني اهواي بطران
تره اجفوف البشر ماتدفع اجبال
وذا كاع انت طبعك هم امر بيك


واشك صدرك واجيك بحيل زلزال
شلت حسنك عنب وبحضني اخليك
كضيت سنين اشيلك مثل السلال
جنت باول عطش اعصرلك العين
واكت ادموعي لجلك ماي شلال
متستاهل اسهر واحسب انجوم
وابوس ايد الكمر وعيون الهلال
اتوسل اظل بلكت يروحون
وعله ظهر الصبح تلكاني خيال
اجيك بايدي ورده وكلبي متعوب
واكابر واني بيه اجروح اشكال
عال العال صحتي وكلشي نسيت
مامجبور احب انسان تمثال
لاتتوسل ولا تحجي وياي
كرهتك روح مايحتاج تحتال
ولك بيك امنت ماجنت اظن هيج
على اجروحي تسوي اجروحك انزال
هدمت الشوك بيدك واني مليت
دروح وارظى مثلي بواقع الحال

القصيدة منقولة من يعرف الشاعر يضع تعليق ب الاسم

عن NooR

شاهد أيضاً

علي حمادي الناموس

خروج عن المألوف:اليها علي حمادي الناموس

خروج عن المألوف:اليها خروج عن المألوف (اليها) خَجِلٌ إن قلت أهواكِ جنوناً ..فاعذريني.. فأنا والكظم …

اترك رد

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.