الرئيسية » أدب وفنون » تستاهل واتمنالك انه الخير

تستاهل واتمنالك انه الخير

قصيدة تستاهل ايهاب المالكي

محتويات الموضوع

تستاهل واتمنالك اني الخير
صح فرصه مثله من الصعب تلكه
خلي اذنك ع صدري سمعت الصوت
تسمع فرح كلبي تسمع الصفكه
بقه عندي فرح زايد حرام ايضيع
… مر اخذه ابطريقك ساعه الملكه
بي تلك ابتسامه تلكه ظحكه ابصوت
انت ادخل ابروحي ابكيفك استنكه
انه هسه فرح بلروح مامحتاج
مايحتاج فرحه اليونخذ حكه
ولو هسه الشماته ابعدك ايفرحون
وتفز الوجوه الجانت امدنكه


ولو راح اذبل والكاك نسمه موت
تاخذ بالخريف من الغصن ورده
بعد حتى من اغني ايد الايسمعون
تهتز هزه ايد المائلك خلكه
من ايدي الخاليه راح اتعرفني الناس
ومبين عليه وي الحزن رفكه
دليني الهواء من اتروح وين الكا
بدونك نفسي ضيق والارض خنكه
كالولي اخذ طوق النجاة اوياك
موج الشوك عالي اليتعب ايغركه
وابد مافكرت يمته اوصل ع الراك
بس اشكد حلمت ابروه الملكه
اجيتك مطمئن جيه شرار الماي
يفتك باب شكي ولهفتي اطبكه
ع لحظه شفت لهفت اعيونك ثار
وشفت الورده بيدك تنكلب تفكه
وكع منك وجه بس انت عندك خير
اليدور ابوجهك جم وجه يلكه
ردتك تكعد اتصفي الظنون وياي
يا ظن النعوفه وياه النشكه
واشطب يا حلم خل نفره موجزيت
من راحات اديه اشيمسح الشبكه
كل شيء من رحت ضل عكبك ابلا لون
حت الغيم الابيض والسمه الزركه
رجعت اضحك ع اسنين الكظن وياك
وعيون الشمات وفرحتي امصدكه
شافو ماي بيدي اتوقعوني اسكيك
مايدرون اطفي ابشجره محتركه

عن NooR

شاهد أيضاً

علي حمادي الناموس

خروج عن المألوف:اليها علي حمادي الناموس

خروج عن المألوف:اليها خروج عن المألوف (اليها) خَجِلٌ إن قلت أهواكِ جنوناً ..فاعذريني.. فأنا والكظم …

اترك رد

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.