مسجات عراقية

بسك لا تضل تشكي بهاماك
وتلوم العين وتعضعض بهاماك
اخذ طبع النخل وارفع بهاماك
واذا بالطين عركك هاي هية.

,,,,,,,,,,,,,

احبة وما احب واحد بدالة
وياذنب البدة مني وبدالة
الك منصوب بكليبي بدالة
خطك على النبض يشتغل بية

,,,,,,,,,,,,,,,,,,,,

انا بگاروك حبك وانته هزني
صرت فرصه بحياتك وانتهزني
انه شجره محبتك وانته هزني
وخلي الورد يتناثر عليه

_

أذا انت الي شكد انا محظوظ
لأن مثلك محب ماصح اليه
واذا انت ملح وانا انزف اجروح
ارشن عالجرح بأثنين اديه

ينور العين عـگبك…………. ظلمة داري
لا ترحل گلتلك…………………? ظل مداري
تدري شصار بعدك …………ظل مداري
لون تدري تظل تلطم عليه

جيش الدمع
هجم جيش الدمع واحتل الخدود .. ورايات الحزن رفعتهه العيون
من شفتك أمس وي غيري صفّيت .. ايد بأيد تالي الليل تمشون
…وبعيني بعد زغرانـه دنياي .. ساعتهه واحس اتوقف الكون
وانه راجع انه ويسأل الصار .. مو هذا الگلت بس هو مايخون
ونصحوك شكثر بس ما خذت راي .. وبس هو الصدگ والباقي اظنون
هسه شحصلت كل التعب ضاع .. وگبالك صفوا همّه يضحكون
وتعرفه بعد لليمشي ويّــــاه؟ .. عاين وي صديقك هسه يمشون
هذا الچان(( مَن )) تحچيله الاسرار .. ويصالحكم اذا مرّه تزعلون
يعني مو جرح والبينه جرحين .. ويله ياگلب دبرنه وشلون !؟

—–

حزن دنياي تمطر ماصحتلي
وردت فرصة اشوفك ماصحتلي
وكفت كبال عينك ماصحتلي
وصحتلك مادرت وجهك عليه

————

ابد ما يرحم الطايح وكتنا
جمعنا ورجع طشرنا وكتنا
اصيح اعلى الفرح اوكف وك اتنه
تركني وما سمعني ورد عليه..

من اكتب شعر لاتعتقد بطران
البلابل بالقفص من ظيمهه مغرده
ماصدك بعد دمعاتك من اطيح
هم يهمل دمعها العين لورمده
روح بلا وداع وكل اثر ماريد
اليكتب علرمل يعرف قدر كتبه

————-

متواعد ويه الفـرح والوعد صار سنيـــن
لامر عليه بحلــــــم ولاشفته شوف العين
ناشدت وين الفـرح كالولي متأسفيــــن
ممنوع هسه الفرح عند العراقييــــــــــن
كون انكلب طلقات و ادخل لكلبك
…و اكتب على الشريان عذبني حبك
كون اشتغل خطاط و ادخل فرعكم
و اكتب على الحيطان عذبني حبكم…

لا تنسون شاركونا

23 تعليقا على “مسجات عراقية”

  1. الزمان بفركتك حزين حزنا
    وعلى كل الحزن والنوح حزنا
    تعال اعلى الذليل وشوف حزنه
    مغيم ما صفه ومخبوط ميه
    ====
    حيل لاتشتاك ياكلبي شجاك
    وانته اذا تشتاكله ايزيد الجرح
    هو مايفرح لون صبحك اجاه
    وانته تفرح لو يجيك من الصبح
    وهو لومجروح كلي اضمدة ليش
    …وهو فوك اجروحك ايطشر ملح
    هو بانيلك صرح بسم الفراق
    وانته بسم الشوك بانيله صرح
    ====
    ياكلبي شموازيك بسك ولك جوز
    ياهو الأحبه ايكول اتركني محجوز

  2. لك ها يا گـَلب چنك اله اشتاگيت
    مليت اني منه وانت مامليت ؟؟
    ميحبك يگلبي شبيگ افهم عاد
    نساك الي تحبه وانت ابد مــنسيت
    ميفكر بعد ميهمه حالك هاذ
    …………ولاتنزل ابد دمعاته مهما ابچيت
    لا تهتم ياگلبي وانسه حبه ارجوك
    قابل گلبه انته ومني تبريت؟!
    اعرفك ذايب وخلصان ميت شوگ
    أي بس كابر بعد .. اعرف ولك حنيت
    اريدك مثلي مــتبين حزن عيناك
    مو هذا اني يمك .. والله هم عانيت
    ما اذكر جبرتك .. كافي هذا النوح
    انت الجازفت بالحب تره وحبيت
    اتحمل نتيجة تعبك المافــــــــاد
    وحدك انت وحدك بالجرح ضليت

  3. خلص دوري بعد ما امثل وياك
    خله يمثل وياك النكت بيك
    ابدي الماي لو انته الصرت ماي
    واكص جفي لون ما راد ابديك
    على لساني حبيبي جانت تلوك
    …هسه تلوكه الخاين يسميك
    جفك من رماني بسهم الفراك
    تيهني السهم كتله اني ادليك
    خجل مني السهم منشاف الجروح
    صرخ كلك جرح جاوين اذيك ؟؟؟

  4. اشلون اعوف المضى ..
    وياهو الينسيني ..
    ولا آنه ارضى البعد ..
    ولا روحي تنطيني ..
    جيب اشمعندك صبر ..
    …بلكت يسليني ..
    وهاك اخذ كل دمعي الك ..
    هو اشبقى بعيني ..
    وسفه اعله ذاك التعب ..
    ما ترجع اسنيني ..
    حسبالي توفي صدگ ..
    وبحب توافيني ..
    أشمدريني بعد الوفه ..
    ابهجرك تجازيني.

  5. من اشوفك حبببي ارجوك سلم
    ولك الكـــــــلب بلا سبب سلم
    لاتصــــعد الفوك بــــغير سلم
    منتظرك تجي واحضنك بديه
    اديه الجانــــت فراشك وداراك
    …عجيبه الغــــيرك عني وداراك
    طفل كلبي حماك انت وداراك
    عجيبه شلون وك تخون بيه
    بيه شلون ما حاسس وداري
    وانـــه الجت اتعبـــلك وداري
    هاي الدر صح دارك وداري
    لان مليانه بس هم واذيه
    اذيـــه ما شفت منك ولالام
    ولساني ماحجه بعد ولالام
    لاني مطشر بحبك ولالام
    سنين العشك المرن عليه
    عليه الناس تحجي ولعنك
    انه ادري بـــعيوني ولعنك
    اذا بالــــنار هنـــه ولعنك
    اريد اشكر عيوني بهالمسيه..

  6. ليش الوفى ياصاحبي بها الدنيا يضل خسران وليش ليحب من صدك شاف العذاب الوان مدري الذنب بالبشر مدري الوكت تعبان كالولي صنفك خلص وتغير الانسان وادري الاريده صعب وامشي بجفن نعسان وادري الا حبه حلم ضايع بلا عنوان .

  7. اتمنه العراق يصير احلى وبعد احلى بطيبه كلوب الناس وبطيبه اهله

    اتمنه العراق مثل الجبل عالي

    واتمنه العراق يصير غالي وبعد اغله ويرجع كل غريب لديرت اهله

    اتمنه العراق يصير مثل النخل ثابت

    مايهمه لا تفجير ولا ارهاب خالت

  8. يندار كل العمر حبك فلا يندار بعيوني شوكت حلم بكليبي الك تذكار انت الاهل والربع انت الامل والجار ..ساعات حبك ثلج ساعات حبك نار حبك سوالف طفل حبك بحر واسرار . حته عذابي حلو لو تدري بيه اشصار ..

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *